Williamnagar songjinmani Samgong gittimo da·al salni bako me·chik chadambe saksako me·asa chadambe saksa ka·namgija dake skoko attechi den·e so·otaha.
So·otgipa mandeko Dawagre o dongenggipa James R. Sangma minga ine ma·sina man·aha aro ua ia ka·namgijagipa kamko ka·e kate dongenga. Da·o dipet uko police dolrang rim·na man·kujaenga aro sandianiko dakangkuenga.
Sangma-ko rim·e on·gipa ba uni dongchakenggipa biapko agane on·gipana boksisko on·agitaba police dolrang parakataha. Agane on·gipa mandeni bimingko maming dake parakani dongjawa aro naljokatani donggen ineba u·iatangaha.
