Assam, Goalpara a·jao Paikan reserved forest-o niam gri a·kange dongenggipa manderangko a·rikgalna am·on da·al salo songdonggiparang baksa police dolrang nanggrikaona sokaha. Ia obostao saksa siaha aro bang·aan saknaa man·tokaha jeon police dolrangoniba manderangni rong·terangko goruruani a·selo aditaan jokkom ong·tokaha.
Assam sorkari ia 140 hectare mang reserve forest jolo niam gri rike dongenggipa nokrangko pe·e a·arangko a·kangpilna aro mande baksa mongmarangni nanggrikani batroroenganina komiatna jotton ka·enga. Ia biapo dongchakgipa nokrangko Sonibar salo pe·aha. Indake ong·genchimoba ia biapo mitamrang noktop rike dongkuaha aro ia nokrangko bon·e a·rikgalna dakengon bang·a manderang rong·terangko goan baksa go·olrangko ra·e police dolrangko chadrapaha.
Police dolrang maming chol dongjae chadrapgipa manderangni kosako bangbango slai gona nangao ga·akaha jeon saksa janggitangko gimaataha. Ia mandeko Qutubudin Sheikh minga ine ma·sina man·aha. Apsan dakgipa obosta batanggimin changoba Dubri a·jani Bilasipara songo ong·aha. Chief Minister Himanta Biswa Sarma, Ia ong·enggipa obostarangni bidingo aganengon daitotangko ka·enggipa police-rangko champengna jotton ka·genchimode raka sastiko on·gen ine parakangaha.
