Purakhasia ni ning·o donggipa Rimtangpara songni rama a·samo ma·sina man·gijagipa me·chik saksani manggisiko man·ani gisepo ua jolo songdongenggipa manderangko ia manggisiko u·ina dakchakatpachina West Garo Hills a·jani Superintendent of Police mol·molatangaha.
Ia rama samo man·gipa manggisiko Tura Civil Hospital ona post-mortem porikkako aro siani a·selko sandinagita ra·baaha aro ua manggisiko darangba kangkuja ine u·iatangaha.
Sianggipani mandenigimin adita talatanirangko on·angaha jean Non-Tribal ba gippin jat ong·a, mande ram·a, feet 4 inch 8 mangni changroa, kni pakre dipet roa, chola gisimgipa plazo pant ko gana, tapra rongni jak rogipa sweater ko gana aro gitoko rupa ni chain aro tabisiko gana ine u·iataniko on·angaha.
Ia sianggipa mandeni bidingo adita u·igiparang donggenchimode uni mahari ma·drangrang re·bae manggisiko sal 3 ni gisepo kange ra·echina a·jani Superintendent of Police mol·molangaha aro nambate tale ma·sina sikgenchimode 9485025225 number ona ka·ate singna man·gen ineba u·iatangaha.
