South Garo Hills, Chokpot Civil Sub-Division-ni ning·o donggipa Paromgre songoniko koela bikotaniko dontongatchina Chokpot jolni nangrimgimin NGO dolrang Bristibar attamo Tura-ni MP Saleng Sangma-ko grongenba Memorandum-ko on·angaha.
Ia somoio NGO dolrangba koela bikotaniko raken jegalangaha aro namnikgijaniko parakangaha.
Chokpot jolniko koela bikotani bidingo agan golpogrikaniko dakon Sangma niatna gita NGO dolrangna ku·rachakangaha. Indake jerangan manigija koela bikotanirangko dakgenchimode rakbata ja·kurangko deanggen ine GSMC-ni General Secretary Nahinshing Sangma aganangaha.
