Garobadha jolo Ganol chibima rikamniko saksa u·ina man·gijagipa mandeni manggisiko West Garo Hills Police dolrang re·anggipa July 4 tariko man·aha. Ia manggisiko nianigitade bilsi 30-35 ni me·asa mande jean changroani feet 5’4, kni roa, mande sakgisim jekon gipin jat ong·na krae nika ine Police dolrang u·iataha.
Ia sianggipa mandeko Garobadha jolo amikbrange roramarangko nikangaha aro gisiknigita bilgrigipa ong·a ine chanchichipaniko parakataha. Manggisiko Tura Civil Hospital o donenga jekon uni madrang maharirang salgittamni gisepo ra·ena man·gen ine u·iatanikoba on·angaha.
