Chang 39-gipa National Games 2027 na dingtang mancha Boxing susaanina seokna District Selection Trial ko Resubelpara-o re∙baenggipa July 9 tarik, Budbar attamni 3 bajio Resubelpara Govt. UP & RMSA Skul-o ong∙atanggen.
Ia seokanio Boxing ka∙na gisiko nanggipa me∙a aro me∙chikrangna cholko on∙an baksana a∙jao nambatsranggiparangko seokange Meghalaya-ni skotong songjinma Shillong-ona dingtang mancha skie ra∙na rimanganiko dakanggen. Ia District Selection Trial-ko Meghalaya Boxing Association aro North Garo Hills District Boxing Association apsan bakrime bilsi 17 oni 40 ong∙giparangna ong∙atangenga. Apsan daken Meghalaya a∙dokni pilak a∙jarangoba ia seokaniko dakanggen.
Boxing-ni weight category ba jrimani bakrangara me∙asa dolrangna 47-50 kg, 50-55 kg, 55-60 kg, 60-65 kg, 65-70 kg, 70-75 kg, 75-80 kg, 80-85 kg, 85-90 kg aro 90 kg na batgiparang ong∙a. Uan dake, me∙chik dolrangna 45-48 kg, 48-51 kg, 51-54 kg, 54-57 kg, 57-60 kg, 60-65 kg, 65-70 kg, 70-75 kg, 75-80 kg aro 80 kg na batgipani bakrang ong∙angskagen.
Ia Selection Trial-o seokako man∙e Shillong songjinmao training rangko man∙ani ja∙mano nambatsranggiparangko Meghalaya a∙dokni palo kal∙na seokaniko dakangtaigen.
