Indore Madhya Pradesh-ni jiksesa Meghalaya a·dokona re·bae a·sel ong·gipani bidingo name am·sandianiko dakani gisepo sianggipa Raja Raghuvanshi-ni jikgipa Sonam an·tangko UP police-na mijal walo bame on·eaha.
Police-rangni aro Sonam Raghuvanshi-ni parakanigitade ua an·tangni segipako so·otna sakbri manderangko dakchakna rimaha ine u·iataha. Uamang Uttar Pradesh aro Madhya Pradesh-oni ong·a jekon sakgittamko police dolrang Sombar pringchipak rim·aha aro saksako sandikuenga.
Iamang jiksesa May 23 tarikoni gimaaha jekon adita am·sandiani ja·mano June 2 tariko segipani sogimin manggisiko Weisawdong dare sepang jolniko man·aha. Iani gisepon Raja-ni adagipa Vipul Raghuvanshi jonggipako so·atgipako rim·na Meghalaya-ni police dolna ka·dongjae aro Sonam-ko man·kujaenganina CBI na pakwatchinagita PM Modi-o chitti see mol·molataha. Indake ong·genchimoba da·o golporang dingtang ong·angskaaha aro antisani ja·manon ia a·selni bidingo am·sandianiko dake matchotatna man·aha.
