Sonam Raghuvanshi-ni pagipa Devi Singh, Meghalaya police-ni am·sandianiko chu·ongnikjae aro ia a·selni bidingo tol·e sakki on·enga ine matnangenba CBI inquiry-ko dakchina raken dabiangaha. Chief Minister Conrad Sangma-ni agangipa kattarangkoba ua tol·mitapna jotton ka·enga ine aganangskaaha.
CM ni kosako ua kakketko aganjaengani gimin CBI sing·sandianiko dakchina ge·etatan baksa Home Minister Amit Shah-ko CBI dolko Meghalaya-ona watatchina mol·molataha. A·selni bidingo name am·sandianiko dakjaha aro police dolrang Raja-ko so·atanio jak donga ine Singh matnangatskaaha.
Ia a·selni ong·a obostako name dake kakketko ma·sinagita CBI-ni am·sandianiko dakosa man·gen. Singh-ni agananigitade police-rang ia a·selo an·tangtangna ja·ga saagita ong·engani giminsa kakketko parakjaenga ine janapataha. Unikoa, CBI sing·sandianiko dakgenchimode Meghalaya police-ni bang·a official-rang pattok noko dongna nanggen ine Singh aganangkuaha.
