Winter Capital-ko Garo Hills-ni bang∙a dilgiparang kona noksikoni dabianiko dakani gisepo a∙dok sorkari Tura Dakopgre-o Mini Secretariat-ko rikna gong 157.9 crore tangkarangko chamatani koborko parakataha. Sorkari ia project-ko matchotatna bilsi gnimang somoiko donataha jekon manderangna dingtang dingtang kamrangko sepangbate aro altuabate dakna man∙agita miksonganio chamataha.
Apsandaken, Garo Hills-ni gipin mongsonggipa skotong a∙jarangoba Mini Secretariat-ko rikna sorkari miksongenga. Ian administration-ni kamrango manderangna olgrokatasan ong∙aigija re∙rurana aro korosrang nanganiko komiataniba ong∙gen. Unbaksana altuabee sorkarini dakchakaniko man∙aba manderang nengrae man∙a amgen.
Re∙anggipa SPARK Summit program-o Chief Minister Conrad Sangma dingtang dingtang project-rangni bidingo talatengon Mini Secretariat-ko Tura-o rikani bidingoba presentation-ko on∙angaha. Sangma, an∙tangan Mini Secretariat-ni blueprint-ko mesoke jasa ba jagnini gisepo kamrangko a∙bachengatnaba gnang ine ua somoio janapangaha.
