Meghalaya a·dokni Regional Institute of Medical Sciences (RIMS), Imphal-o nursing na poraienggipa saksa me·chik chadambe uni hostel ni kutturio janggi galangaha ine Budbar pringo u·ina man·soaha.
Sianggipa chatri ara 4th semester ni ong·a jean Institute ni hostel no. 2 o donga ine ma·sina man·aha aro an·tangko kae so·otaha ine chanchichipaniko koborna parakataha.
Ia a·sel obostani bidingo name dake am·sandianiko dakna aro porikka ra·na sianggipani manggisiko post-mortem na watataha. Sianggipa chatrini bimungko da·o dipet Institute ni dilgiparang parakataniko dakujaenga.
