Mijal salo Mendipathar College Auditorium Hall-o International Nurse Day-ko “Our Nurses’ Our Future, Caring for Nurses’ Strengthens Economies” ine katta bichongko done gisik ra·e maniangaha. Ia manianiona North Garo Hills a·jani Deputy Commissioner Abhishek Shani mongsonggipa ong·e sokbaaha. Tom·aniona DMHO North Garo Hills, Dr. P S R. Sangma-ba guest of honour ong·e bakko ra·angaha.
DC Abhishek Shani program-o aganengon, pilak nurse-rangko dingtang dingtang biaprango aro songadam nokadamrango noktangoni chel·e bang·a neng·nikanirang donggenchimoba chakchike kam ka·e on·enganina mittelangaha. Uamangni on·kanganina ia salko gisik ra·na nangchongmota aro gamchatbegipa ong·a ine Shani aganangaha.
Program-ni bako Lamp lighting aro nurse rangni anthem-ko ringangaha. Unbaksana, nurse rang songsalna aro manderangna an·tangtangko on·kange kam ka·nagita ku·mitchetanikoba dakangaha. Ia manianiona a·jani bang·a nurse rang aro doctor-rangba sokbatokaha. Maniani gisepo cultural program-koba ong·ataha jeon git ring·ani aro gipin dakmesokanirangko uamang an·saobee dakangaha.
