Budbar pringni somoio, Pakistan aro Pakistan Occupied Kashmir (POK) ni dam 9 bobil dolrangni dongchakgipako Indian Armed Force ‘Operation Sindoor’ ko ka·e missile-chi nisiataha. Ia operation-ko walni 1:30 mang batao ka·aha jean battanggipa salrango Pahalgam o a·sel ong·anina aganchakani ong·a ine Ministry of Defence-ni official parakataha.
Official-rangni u·iatanigitade, uamang Pakistan military base-ko nosto ka·jaha indioba bobil dolrangni dongchakgipa biapkosa dingtang mancha nisan ka·aha ine parakataha. Ia biaprangoni Pahalgam-o namgijagipa kamko ka·na uamang tarisamsaoha ine aganangaha. India a·song Pahalgam a·selo jak donggiparangna sastiko on·a ku·chakagitan re·mikkanganiko Defence Ministry parakataha.
Indake ong·genchimoba, Pakistan military-ni agananigitade damgittam biaprango missile-rangko galonaniko aro ramram manderangni sianiko parakskaaha. Ia operation-o bida pakwatchakram nok, medical complex, college nok aro hostel nosto ong·aha ine a·selko nikgiparangba aganangaha. Iani gisepon, Pakistan military rang India-ni adita jet-rangko aro drone-ko nisiataniko u·iatskaaha.
India, ia operation-ko a·songni bang·a dingtang dingtang bakrango mock drill-ko dakna parakatani ja·mano ja·kuko de·aha. Ia operation-ko India, ‘Operation Sindoor’ ine mingna tik ka·angaha.
