Early Childhood Development (ECD) ni miksonganiko mangrakbatatna Meghalaya sorkari Bakdil baksa Tura St. Luke parish-o Memorandum of Understanding (MoU) ko soi ka·grikangaha. Ia program-ona Chief Minister Conrad Sangma sokbae bakko ra·angaha.
MoU-ko Principal Secretary & Development ni Commissioner Sampath Kumar aro Tura Diocese-ni Bishop Rt. Rev. Andrew R. Marak ni gisepo soi ka·angaha.
Soi ka·grikaniko sorkari aro Bakdil bilsi gni mangna bakrimanggen. Ia bilsini gisepo Parish Priest-rang, songni Catechist-rang, Pocharok-rang aro Sister-rang, Meghalaya Early Childhood Development Mission (MECDM) baksa nangrime bi·sako nambate chonaoni simsakna, ma·gipani an·o donganiko nirokna aro sengnang skia poraianiko a·bachengatna Garo Hills ni dam bonga a·jarango chong·motan East, West, South, North aro South West Garo Hills-o kam ka·anggen.
Program-ona sak 100-na bate manderang sokbatokaha. SHG-rangni dilgiparang aro official-rang aro gipin bak donggiparangba sokbatokaha. Ia somoio SHG dolrang bi·sarangko simsakani bidingo adita dakmesoke mesokanikoba dakangaha.
