May 6 tarik 2025, Mongolbar salo Border Security Force (BSF) dolrangni kakketgipa koborrangko man·soe am·sandianiko dake South West Garo Hills ni sima ari joloniko Bangladesh ni sak 4 manderangni niamni a·palo napsrukbana jotton ka·giparangko rim·na man·aha.
Ia manderangko BSF-ni 50th Battalion sipairang salantio nirikirongagita daitotangko ka·engmiting somoio sima ari jolo batsotna jotton ka·ako nike rim·na man·aha. Rim·a man·gipa Bangladesh a·songni manderangara Mymensingh, Gajipur aro Nogaon oni ong·a jekon name dake sing·sandina Mahendraganj Police thana ona rimangaha.
Indo-Bangladesh ni sima ari jolo name nirokangna aro a·songna dangdike on·ange manderangko naljokatna BSF dolrang raken kam ka·angkugen ine u·iatangaha.
