Tura Government Girls’ Higher Secondary School-o solar-chi chalaina man·gipa classroom-ko Chief Minister Conrad Sangma oprake on·angaha. Ia classroom-ko Great Himalayan Expedition (GHE), PA Sangma Foundation aro Shree Cement company-ni bakrimanichi tarina man·aha.
Sangma, program-o aganengon, ia project-ko chatro chatrirangna mongsongbate me·chik bi·sarangko dal·a miksonganirangna rikchina dakchakaniko on·a ra·baaha ine aganangaha. A·doko sorkari skulrangko chasong gitalni kri tarina miksonganiko Sangma janapange bang·a a·barango chu·gimik dingtangatna nanganikoba ua parakangaha. Iako dakna ma·apa, skigipa aro manderangko bak ong·atanichi songsalni nanganirangko chusokatna aro private skulrang baksa susana man·gen ine Sangma aganangaha.
1931 bilsioni da·ona kingking skulni Garo Hills-na skia porani a·bao on·gilbaaniko ua janapange indakgipa namdapatanichi mikkangchi bi·sarangko dilgiparang ong·na dakchakgen ine Sangma ka·donganiko parakangaha.
Ia smart classroom-o desktop-rang, internet aro audio-visual ni bosturang gnang jekon class 6-oni 12-ona curricullum baksa melie aro skia poraniko namdapatna tariaha.
