Batanggimin somoio terrorist rangni Pahalgam-o tourist rangko ka·saninggija so·ote galangani ja·mano India aro Pakistan baksa so·sojengjeng ong·anirang salrikiton batrikrikangenga. Iani gisepo, a·songni pilak a·dokrang aro Union Territory rango civil defense mock drill ko May 7 tariko Ministry of Home Affairs (MHA) ong·atchina ge·etangaha. Ian maibakai a·song ge·gnini gisepo dakrikaona sokgenchimode manderangko naljoke dongna tarisamsona ong·atani ong·a.
Ia mock drill ko ge 244 Civil Defense district rango ong·atgen jean Civil Defense Rule, 1968 ni ning·o ga·akgiparango ong·gen. Pilak a·dok aro Union Territory rangko ia drill ko ong·atna ge·etangaha jeon sorkarini dilgiparang, Civil Defense Warden, Home Guard, National Cadet Corps (NCC), National Service Scheme (NSS) ni volunteer, Nehru Yuva Kendra Sangatham (NYKS) ni member, skul aro college ni chatro chatrirang bakko ra·angtokgen.
Re·anggipa April 22 tarik, 2025-o Jammu and Kashmir ni Pahalgam-o terrorist rangni dos gri manderangko ka·saninggija goanio sak 26 janggirang gimaangaha.
