Chief Minister Conrad Sangma, Sports Minister Shakliar Warjri baksa sak 614 athlete-rangna Chief Minister’s Sports Scholarship Scheme 2022-24 aro 2024-25 ni ning·o sports scholarship rangko on·angaha. Sports & Youth Affairs Department, mijal salo ia program-ko ong·ataha jean Bihar-o ong·nasienggipa Khelo India Youth Games 2025-na Meghalaya sports dolko mande ra·bae watataniba ong·a.
Ia scheme-ni ning·o sak 614 mang dingtang dingtang sports rangko kal·gipa athlete-rang 2024-25 bilsiona jaanti scholarship-ko man·gen. Ia chang Khelo India susaanio Meghalaya dolni sak 44 mang athlete-rang bakko ra·anggen aro sak 14 official-rang gnang.
Conrad Sangma, program-o aganengon, sports-ni a·bako ia battanggipa bilsi 7 o MDA sorkarini ning·o dal·rorona man·aniko nikanina uni kusi ong·aniko parakangaha. Sangma, ia athlete-rangna Meghalaya sorkarini rasong chabeaniko u·iataha aro uamangni neng·nikanirangko olgrokatnaba ku·chakangaha. Chongegipa scholarship chi bang·a dingtanganiko ra·bana man·jaoba adita dakchakaniko on·gen ine Sangma aganangaha.
Unikoa, ia battanggimin bilsi 7-o, 75-80% mang fund-oniko sports-ni a·bao rika cho·aniko bariatna sorkarini sports policy-o pangchake kam ka·nagita chamataha ine Sangma agandapangaha.
