Mahendraganj-ni MLA Sanjay A. Sangma, South West Garo Hills jolo sanna bannaniko nambatatna 2023-24 aro 2024-25 bilsini Special Rural Works Programme (SRWP) scheme-ni ning·o chu·gimik bolsni ambulance garirangko chamate on∙angaha. Skanggipa ambulance gariko mijal salo Sangma an∙tangan re∙ange Zikzak C&RD Block-ni ning∙o man∙gipa Garagre songni St. Anne’s School-na pakwatangaha.
Sangma, program-o aganengon, Boldamgre songo atchikapgipa ong·e an·tangni janggi tangao bang·a nokdangrangni neng·nikanirangko chagronganiko parakangaha. Mongsongbate an∙o donggipa ma∙giparangna somoigita sanna bannaniko on∙a man∙gijaniko ua janapangaha. Chon∙aonin Sangma ia obostarangko nike da∙o uni constituency-na bimchipe on∙gilaniko dakenga ine aganangaha.
Sanna bannani a·bana agre songo noko rika cho∙ani kamrangkoba Sangma namdapatna kam ka∙aha. Ding·kari somoio re·ruragiparangna bang∙a biaprango waiting shed-rangko tariaha, rama ja·langrangko aro sima-arini sorokrangko gari rangna neng·nika gri re·rurana man·agita kam ka·angaha.
Constituency o bang·a neng∙nikanirang donggenchimoba ka·sine kam ka·anggen aro songtangni bi∙sa ong∙e manderangni obostako ma·sikchaka. Sangma, an∙tangni constituency-na mikkangchiba dangdike on∙angkuna aro ia obostarangko olgrokatna kam ka·anggen ine aganangaha.
