Garo Hills Autonomous District Council (GHADC) ni ning·o ka·enggipa project-rangko namroro silroroatna aro 2023 bilsio on·gimin project-ni bidingo nipiltaianiko dakchina GHADC-ni CEM Albinush Marak aro Deputy CEM Nikman Marak, ma·mong sorkarini Tribal Affairs Union Minister Jual Oram-ko grongen memorandum-ko on·angaha.
Ia tom·anio dingtang mancha Garo Hills-ni a·jarango nangchongmotgipa project-rang jekai Garo Hills-ni mongsonggipa bakrango solar street light-rangko donchina, songadamrango bading chiwalchakram antidamrangko namdapatchina, bol aro biterangko ge·e game cha·anirangko tang·doate on·ani bidingo Union Minister baksa chanchirimaniko dakangaha.
