North Garo Hills-ni Mendipathar PEPSICO industrial plant-o kamna dorgasto galgipa manderangni adita matnange agananirangko knasoanina MPYC-ni President Timjim K Momin aro Rongrong ni MDC Rinaldo K Sangma biapona re·ange sing·sandianiko dakangaha.
Ia PEPSICO company-o a·jatangni MLA aro NPP party-ni watatgipa manderangsan ia kamna rimnapaniko man·aha ine Resubelpara aro Mendipathar songni manderangni aganani ja·mano PEPSICO company-ni HR Manager-ko grongenba adita golpogrikaniko dakangaha ine Rinaldo K Sangma aganangaha.
PEPSICO company-ni HR Manager-ni aganani gitade a·jani MLA adita neng·nikaniko uamangna on·aha indiba mikkangchi MLA aro party-ni gita mikkang nitegija kamrangko on·angskagen ine aganangaha.
Ia kamna rimnapaniko dakanio North Garo Hills-ni manderangna skanggipa cholko on·e mikkang nina nanggen aro party-ni MLA rangni nangnika gita ong·na man·jawa ine Sangma aganangaha.
PEPSICO company-ni official-rang a·jao songdongkamgipa manderangkosan uamangni poraia gadangnikri Company-ni nangnika gita kamna galna on·anggen ineba aganangaha.
