Pope Francis April 21, 2025 tarik jean Easter Monday ko maniani salo uni noko bilsi 88-o a·gilsakko wate re·angaha. Pope Francis ko February 14, 2025 tarikonin bronchitis sabisina sanna Agostino Gemelli Polyclinic Hospital-o done sanna bannaniko dakanggenchimoba uni bilongbee saani a·selo Vatican-ni Casa Santa Marta o donggipa noko ua janggi ko galangaha.
Pope Francis Argentina a·songni Jorge Mario Bergoglio o 17 December 1936 atchie 2013 bilsioni Vatican City State ni Catholic Giljani skotong ong·e dilangaha.
Apostolic Chamber ni Camerlengo Cardinal Kevin Farrell da·al pringni 9:45 mangni somoio ia obosta ni bidingo parakangaha. Pope Francis uni janggitanga gimiko Catholic denomination na aro Isol na bimchipe ka·angaha. Ua pangnan Christian torom-o skigipa kattarango pangchake kakket aro ka·donge bebe ra·na skiprakan baksana kangal cholgrirangna ka·sae dangdike on·a ku·pattironga Kevin Farrell aganangaha.
