Class XII Board porikkako see chu·sokgipa bi∙sarangna an∙tangtangna janggi tangao namgipa kamrangko basee poraiani a·bao re∙mikkangna dakchakaniko on·agita Career Counselling Program-ko Tura ICFAI University ong·ataha. Program-ona gisiko nanggipa bang·a chatro chatrirang re∙bae bak ra·angtokaha.
Ia program-ko Education Department-ni Assistant Professor Dr. Kanika Das chi a·bachengataha. Dr. Das, chatro chatrirangko dingtang dingtang poraiani a∙barang jekai Humanity Stream, bang∙a janggi tangna cholrangko on∙gipa, professional degree-rang aro chasong gitalo nadobaenggipa a∙barangko poraiani namgnirangko talatangaha. Ua bi∙sarang baksa uamangni namnikaniko, dakna skani, bil amani aro bang∙a a∙gilsako nanganirangko ma∙sina agangolprikaha. Bi∙sarangni personality-ni kri career-ko ma∙sinagitaba psychometric test-ko dakatangaha.
IT sector-ni Assistant Professor Dr. Dikme Chisil B. Marak, IT sector o poraiani, kam sandiani gimin aro Artificial Intelligence (AI), coding, design aro gipin digital world-o bak donggipani gimin agantalate on·angaha.
Management Department-ni Assistant Professor Jyotirmoy Roy, management career-ni gimin jekai soft skills, internship, skill development, data analytics aro business intelligence jean da·ororo job market-ni a∙bao nangchotmotgipa ong∙aniko talatangaha.
Department of Travel & Tourism Management-ni Assistant Professor Ellerie Arengh, tourism-ni a∙bao donggipa bang∙a cholrangni bidingo aganangskaaha. Ia a·bako seoka ong·ode sorkarini kamrangna aro competitive porikkarangko sena man∙aniko janapange airlines, hotel, cruise-rangoba kam ka·na chol man∙gen ine talangaha.
ICFAI University Tura, chadamberangna tangka gri Career Counselling session-ko on∙enganikoba parakataha. Ia session-o Meghalaya-ni chatro chatrirang career-ni bidingo bang∙a a∙barang ba bakrangko ma∙sinagita campus-ona re∙bae u∙i ma∙sigiparangoniko tale ra∙na man∙gen.
Career Counselling Program aro ICFAI o on·enggipa course rangni gimin talbate u·ina ska ong·ode ka·mao on·gipa number, email ba website-ona re·ange sandina man·gen. ICFAI University Meghalaya Tura Campus ni Phone no : 6909788687, 8014241976, 7005140814 Email: admission_tura@iumeghalaya.edu.in Website : www.iumeghalaya.edu.in
