Be·en nigita bilgrigipa manderangko segate ra·na dingtang mancha Disability Assessment Camp ko Dadenggre C&RD Block, District Social Welfare Officer, Tura aro line department rang apsan bakrime ong·atangaha.
Iako ong·atani gisepon Aadhar card, MHIS aro Ayushman Bharat Health Account (ABHA) card na segate ra·china didianiko on·angaha jedakode sorkarini ia scheme rangchi dakchake on·enggiparangko manderang an·tangtangni namgnina cholko ra·pachina u·iataniko on·angaha.
Ia camp ko ong·atanio sak 75 manderang be·en nigita bilgrianiko ma·sina man·aha jeon sak 26 manderang Locomotor, sak 17 manderang gisiknigita, sak 16 manderang ENT aro sak 16 manderang mikron nigita bilgrianirangko u·ina man·aha ine District Social Welfare Officer, Tura Madonna T Sangma parakangaha. Unbaksana sak 5 manderangko Aadhar, sak 35 manderangko Abha Card aro sak 11 manderangko MHIS na segate on·angaha.
