Sombar salo Ampati Fire and Emergency Service Station manderangna mikrakaniko aro wa∙aloni naljokaniko mongsonge ra∙e skianiko on∙enba Fire Service Day-ko gisik ra∙angaha.
Ia salko gisik ra∙e program-ko ong∙atani somoio, fire service station-oni Ampati-ni mongsonggipa ramarango aro wilwila biaprango department re∙jomanikoba dakangaha. Re∙jomani miksonganiara manderangni gisepo wa∙alni bidingo dakna nanggni aro nanggijanirangko, unbaksana naljokani cholrangni bidingo mikrakaniko on∙a dakangaha.
Ia re∙jomanio wa∙al kaman somoio naljokaniko on∙giparang aro personnel-rang bakko ra∙tokaha. Uamang wa∙alni bidingo dakna aro dakna nanggipa kamrangni gimin see rakkigipa ki∙taprangkoba sualangjolaha. Unikoa, wa∙al kamgitikanirango nirokna nangani, tarisamsoani aro somoigita dakna nanganirangko wilwilao donggipa manderang baksaba agangolpogrike skie on∙angaha. Department-ni ia re∙mikkanganiko manderang namen ra∙chakangaha aro bakrimanikoba on∙angaha.
