Play On, inter-school sports meet ko Tura Don Bosco School-o April 4 tarikoni 26 tarikona ong·atanggen jeon Tura songjinmani dam 9 skulrang bakko ra·angtokgen.
Ia sports meet ara skulrango gital chasongni chadamberangko sports ni a·bao saksa sakgipin baksa susagrikanichi uamangni changa sapaniko bariatna ja·ku de·ani ong·a jekon Artsourced aro Directorate of Sports apsan bakrime ong·atenga.
Ia sports meet ko anti gittamna ong·atanggen. Skanggipa antini April 4 tariko Football Qualifier aro April 5 tariko me·asa aro me·chik dolrangna Basketball Qualifier ko kal·atgen. Gnigipa antini April 11 tariko Track and Field ko kal·atgen aro April 12 tariko Basketball ni semi-finalko kal·atgen.
Bon·kame, gittamgipa antini April 25 tariko Football semi-final, eSports (EAFC ’25) rangko kal·atanggen aro April 26 tariko me·asa aro me·chik dolrangni gisepo Basketball final ko aro Football final ko kal·atangskagen.
