Eastern Zone Williamnagar GSU dolrang WWI cenotaph-oniko bikotgipa bosturangko da·al salo Tura Municipal Board-ona re·ange nirokeaha. GSU dolni office-ona re·angani miksonganiara bikotgipa bosturango matgrikrangni bimingrang dongani gimin name simsake donaniko niroknagita ong·a ine parakataha.
Ia somoio GSU dolni General Secretary, Alex D. Shira aro uni adita ka·rimskarang TMB-ni dilgiparangko gronge, ia bikotgimin bosturang itihaso aro jatna gamchatani donggipa ong·ani gimin simsaka gnang nirokchina aro a·mangrango donjachina u·iatangaha.
Jatni matgrikrangni dakgrike janggitangko on·kangani ong·gramaijana gita uko ripingna nanganiko gamchate ra·aniko GSU dol parakataha. A·chik jatni itihasko aro daka-rika bebe ra·anirangko ripinge rakkina on·kange aro naljoke rakkiangkuna miksonganikoba uamang janapataha. Unikoa, daito gnanggiparangko cenotaph-ni dongrikenggipa bosturangko mande ra·a gnang rakkichina GSU dol didiangaha.
