Manipur a·dokni gitcham Chief Minister N. Biren Singh-ni sianggipa dilgipa P A. Sangma ko ong·gija dake janape agananina Meghalaya CM Conrad Sangma aganchakaniko on·ataha.
Ia nanggrikani N. Biren Singh-ni Lt. P A Sangma-ni 2014 bilsio Northeast-o chonchongipa a·dokrangko bikotna parliament-o agangipa kattarangko social media-o upload ka·ate Conrad Sangma-ko gipin a·dokni mamlao jakdangdike Manipur-ko nosto ka·na jotton ka·enga ine parakatani ja·mano ong·aha. Biren ia kattarangko Northeast a·dokko bak dakatnagipa aro a·songni ku·cholsan ong·aniko nosto ka·na agangiparang ong·a ine parakataha. Ian Manipur-ni gitcham Chief Minister N. Biren Singh-ni X social media platform-o agangipa kattarang ong·a https://x.com/NBirenSingh/status/1906581301538254923?t=1N-ELenq5HBQiHxnan-igw&s=19
Iani bidingo Chief Minister Conrad Sangma ra·chake uni sianggipa pagipako polictics ni a·bao ra·nape agananina Twitter-o uni kusi ong·gijaniko parakatskaaha. Ia somoio politics nigita nanggrikana bate Manipur a·doko tom·tomaniko ra·bapilna bakrime kam ka·na nanga. Sangma, gipin dilgiparangkoba Manipur-ko tom·tomatpilna ku·cholsan kam ka·na didiangaha. Ia somoio sakantini bakrimani aro ku·cholsan ong·anian nangchongmotgipa ong·enga ine Sangma parakangaha.
P. A Sangma an·tangan ia obostarangko nikgenchimode polictics nigita nangrikana bate dilgiparangko tom·tomanina ku·cholsan kam ka·aniko nangnikgenchim ine Sangma aganangkuaha. P A Sangma Northeast-na on·kange kam ka·aha aro ian manderangna namgipa ka·donganiko on·gipa ong·a ine Sangma agandapangaha.
