Garo Hills Autonomous District Council ni dam 29 constituency rangko delimitation ka∙na Council-ni dilgiparang resolution ko gnigipa Budget Session-ni salo ra∙baaha.
Ia motion ko GHADC ni Chief Executive Member Albinush R Marak Council-ni special supplementary budget session-o Bristibar salo ra∙bae MDC seat rangko 29 oni 40 seat ona tang∙doatna miksonganganiko parakangaha.
Da∙o dipet GHADC ni sak 30 MDC rangoni sak 29 ko pu∙one seoka aro MDC saksako nominate ka∙e seokaniko dakenga.
Pilak seoka man∙gipa MDC rang ia delimitation ka∙aniko nangnika maina constituency ge∙prakan dal∙bea aro apalbea. Ia delimitation ko ka∙anichi da∙o dongenggipa sak 29 MDC oni sak 40 ona tang∙doatgen jeon sak 36 MDC rangko pu∙one sokanggen aro sak 4 MDC rang nominate ka∙e seokaniko dakangskagen ine CEM Albinush Marak aganangaha.
