Indian Premier league (IPL) 2025-ni Kolkata Knight Riders (KKR) aro Lucknow Super Giants (LSG) dolni kal·aniko Guwahati songjinmao April 6 tariko sokachakanggen.
Ia kal·aniko a·bachengao Kolkata songjinmao ong·atna tik ka·aha jekon Ram Navami maniani dongani gimin neng·nikaniko Kolkata police-ni janapatani ja·mano Guwahati-ona donatskaaha. Maniani dongani a·selo chu·ongagita nirok simsakaniko on·a man·jawa ine police-rang parakataha. Kal·ani biapko dingtangataniko BCCI ra·chakange apsan salon chong·motan April 6 tarikon KKR aro LSG dolrangko susaatna tik ka·angaha.
Ian skanggipaba changna dingtangata ong·ja, re·anggipa bilsioba KKR baksa Rajasthan Royals dolni kal·aniko April 17-oniko 16 tarikona ra·doataha. Ia bilsini IPL-o Guwahati-o ge·gittam match-rangko sokachakaniba gnang. Indake ong·engon da·o biaprangko dingtangatani gimin KKR dolrang Guwahati-o changgni kal·na nangao ga·akaha.
