“Capacity Building Program-cum-Workshop on Eri Silk Production : Empowering Livelihoods in Meghalaya” jean muga jo∙ongoniko kilding bikotani bidingo skie on∙a District Sericulture Officer (DSO) aro North Eastern Hill University (NEHU), Tura Campus apsan bakrime salsani program-ko March 19 tarik, Budbar salo Williamnagar songjinmani conference hall-o ong∙atangaha.
Ia program-ona ADC Albert G Momin mongsonggipa ong∙e sokbae bakko ra∙angaha.Ia tom∙anio aganengon, Momin dingtang mancha muga jilgiparangko bimchipe kam ka∙china didiangaha jedakode kildingrangko bang∙bate bikotna man∙genchimode uamangni tangka kamaiani cholrangko baridapatna dakchakanggen ine aganangaha. NEHU Tura Campus ni Nodal Officer, Incubation Center, (LBI-MSME Incubator), Dr. Sasikumar ba muga oniko kilding bikotanai gamchataniko agan talate on∙angaha.
Muga jo∙ongko jilani gamchataniko aro tangka paisa kamaina cholko bariatani kattarangko District Sericulture Officer, Sanre G Momin aganengon, sorkarini muga bitip rangko gong 700 kae kg prako ra∙enga ine u∙iatangaha.
