South West Garo Hills jolni sima ari joloniko gari bolsa baksa Bangladesh a·songni mande sak 4 aro India a·songni auto salgipa manderangni Garo Hills ona napsrukbaaniko Mahendraganj police dolrang baksa 50 Bn Border Security Force (BSF) Meghalaya apsan bakrime am·sandianichi March 16 tariko rim·na man·angaha.
Rim·a man·giparang aro gariko Mahendraganj Police thana ona ra·ange name dake sing·sandianiko dakangenga ine u·iatangaha.
Sima ari jolo nirok simsakani BSF ni jako ong·ani gimin gipin biaprangoni niamgri napsrukbagiparangko champengsona kamrangko ka·angenga. Uamangni am·sandianio napsrukbagiparangko champengsona man·anina a·dokni police rang baksa BSF ni bakrime kam ka·anian sima ari jolo a·sel ong·gnioniko naljoke dongana man·enga.
