West Garo Hills, Pedaldoba jolo mande aro matburingni naljokanina wildlife protection camp-ko tarie on·china A·chik State People’s Front (ASPF) Pedaldoba sub unit Chief Minister-o mol·molataha.
Pedaldoba jolo jringnan manderang aro buringni mongmarang baksa chagronggrike a·selo ga·akronga. Ian game ge·e nanggimin biterangko nosto ong·ata aro janggirangkoba gimaataona soka. Buringni mongmarang cha·aniko sandina manderangni dongchakramona dobaronga jeon gamjinrang nisiatako man·an baksa saknaanirangkoba man·ronga. Indakgipa obostarangko chagrongengon songni manderangsan ong·aigija matburingrangba dongtogijaniko man·enga ine ASPF dol parakataha.
Wildlife protection camp-ko rike on·anichi indakgipa neng·nikanirangko champengna man·gen. Ia cholrangko ra·baanichi mandenasan ong·aigija matburingrangnaba naljokani ong·gen. Unbaksana, mande aro mongmani gisepo ma·sigrike dongbrinaniko ra·doani ong·a jeon ge·a gamanikoba champengani dongjawa ine ASPF dol talatangaha.
