Meghalaya Assembly-ni Deputy Speaker Timothy Shira, winter capital-ni bidingo uni agangipa kattarangko bon·e ma·sichenggija social media-o gipatenganina sakgni manderangni kosako defamation case-ko ka·angaha. Assembly-o uni agangipa kattarangko name talgija YouTube-o uko jatni kosako re·gipa, Tura-ko winter capital dakatna nangnikgijagipa aro jat baksa chakpaaniko on·jaenga ine ia manderang matnangaha ine Shira mokor doma ka·ani ja·mano parakangaha.
Shira-ni ukil-ni talatanigitade, uamangni kosako defamation aro criminal defamation case-ko ge·prak ka·angaha. Criminal defamation-o uamang an·tangtangna sakki gri ong·e dosi donganiko nikode niamo pangchake sastiko on·gen ine ukil u·iatangaha. Unikoa, defamation case-o sakprakon 100 crore tangkarangko on·chinaba dabiangaha maina Speaker-ni assembly-o aganako ong·gija dake uamang ma·sisretataha, ukil agandapangaha.
Mokor doma ka·a man·giparang Assam Goalpara, Darangiri-oni Mikkanchi R. Sangma aro North Garo Hills a·jaoni Thapa Darenchi-oni Balsrang Marak ong·a. Iamang sakgnini kosako Shillong songjinmani Chief Judicial Magistrate-ni court o mokor doma ka·angaha.
