Cataract Screening and Operation Camp ko Ampatio salgnina ong·atanio mikron ni sabisi donggiparangko porikka ra·aniko dakangaha jeon ua jolo songdonggipa bang·a manderang ia camp o bakko ra·ange namgniko man·angtokaha. Ia camp o sak 480 manderang sabisirangna porikka ra·angtokaha jeonin sak 73 manderangoniko cataract sabisi donganiko rim·a man·angaha aro sak 55 manderangko surgery ka·anikoba chu·soke matchotatna man·angaha.
Tura Civil Hospital ni Dr. Elivia N Sangma ni dakdilanichi sapgipa doctor rangko rimbae manderangni janggi tanganio namgipa gadangni sanna bannaniko ra·na ia gamchatbegipa camp ko ong·ate bang·a dakchakaniko ra·bana man·angaha.
Songadam nokadamrango mikron ni sabisirangko namgipa gadango sanna ba cholrangko man·gijaniko nike ia camp ni gita adita manderangna namgnirangko ra·baaha. Ia camp ko ong·atanichi manderangni janggi tangani aro an·seng baljokaniko nambatatasan ong·aigija songsul noksul rang medicalo kam ka·enggiparango ka·dongdapaniko man·a dakchakangaha.
