Re·anggipa 2019 bilsio Meghalaya Teachers’ Eligibility Test (MTET) porikkani question paper leak ong·atanio jak donggipa sak 14 manderangko rim·aha ine Education Minister Rakkam Sangma parakangaha. Ia mamlao rim·a man·giparang pilakan chatro chatrirang aro MTET segigiparangan ong·a ineba Sangma u·iatangaha.
Question paper-ni leak ong·aniko skanggipa Tura Government College-oniko ma·siaha. Ia kamo program developer aro NEICOM Impression Printing Press, Guwahati-o kaenggipa jak donga ine Sangma aganangaha.
Sangma, ia kattarangko da·al dokgipa budget session-ni salo question hour-o sing·anirangna aganchakangaha. Mikkangchi indakgipa apsan a·selrang ong·taijanagita nambate ja·kuko ga·na Sangma aganangaha.
