Da·al gnigipa Meghalaya Legislative Assembly budget session-ni salo Health Minister Ampareen Lyngdoh, Shillong Medical College-o MBBS-ni class-rangko ia bilsionin a·dok sorkari a·bachengatna miksonganiko parakangaha.
Ia college-ko ru·utgijaan administrative complex dakatna ua aganangaha aro tarisamsoanirangko dakengaha ine Lyngdoh u·iatangaha. Rika cho·anirangko a·palbate taridapna miksonganiko ua janape hospital-o palangrangko donani bidingoba tarisamsoengaha ine aganangaha. Ia kattarangko ua da·alo Dr. Mukul Sangma-ni sing·doanina aganchakangskaaha.
Unikoa, tangka paisanigita nangani bidingo gamchataniko Lyngdoh u·iate college-ko a·bachengna adita chu·ongitan chol aro bosturang dongahani gimin koros nanganiko komiate kam ka·na man·gen ine ua parakangaha. A·dok sorkari college-ko chalaina North Eastern Hills University (NEHU) ming bakrimaha aro tarisamsoanirangko daknagita Medical Assessment & Monitoring Committee-ni re·bae name dake nieaniko sengkuenga ine Lyngdoh agandapangaha.
