Meghalaya a·dokni chatro chatrirangna scholarship ko da·ona kingkingba on·a man·kujanina Education Minister Rakkam Sangma adita talataniko on·angaha. Iako aganengon, a·dok sorkari nanggipa tangka paisarangko man·sona ma·mong sorkarini gittamgipa instalment ko watataniko sengsoenga ine Sangma janapangaha.
Scholarship-ko somoigita sokatna man·jani gimin batanggimin sal somoirango sorkariko iani bidingo ta·rakale kamrangko ka·e chatro chatrirangna sokatchina mol·molanganiko nikangna man·angaha.
A·doko sak 60,000 na batpile chatro chatri rangoni sak 40,000 rangna scholarship ko on·mangenchimoba ma·mong sorkarini gittamgipa instalment ko sokatkujani gimin sak 20,000 mangni chatro chatrirangna on·a man·kujaenga ine Sangma parakataha.
