NEHU Tura Campus-o, ”Developmental Paradigms in North East India” ni bidingo regional conference-ko Department of Agribusiness Management and Food Technology ong·atangaha. Ia conference-o mongsongbate Northeast a·dokrango kangal cha·asini, songsalo janggi tangaonio apsangrik ong·gijani aro cha·ani ringanirangko man·ani bidingo chanchirimangaha.
NEHU Tura Campus-ni Director Prof. Sujata Gurudev ia program-o mongsonggipa ong·e bako ra·angaha jeon ua Tura-o ong·enggiparangko aganangaha. Ua department-koba songadam nokadamrangko namroroatna kamko ka·enganina demittele aganangaha. Prof. B Mishra, ia program-o ge dok paradigm-rangko talatangaha. Uarangan modernization theory, dependency theory, structuralist paradigm, sustainable development paradigm aro gipinrang ong·a. Ia paradigm-rang North East a·dokrangko tang·doatna jakkaltogipa aro dakchakgipaba ong·a.
Dr. C P Suresh, Meghalaya a·dokrango man·gipa manderangni ma·sibregijagipa biterang aro me·su samjakrangchi cha·asianiko naljokna man·aniko aganangaha. Ia bite ba me·surangan salanti man·gipa biterang aro me·surangna bate nutrition gapgipa ong·a ine ua agandapangaha. ABMFT Department-ni skotong Prof. Deepak Bhagat, samtangtango man·enggipa gamrangko ma·sie jolni namroro silroroanina kam ka·china aganangskaaha. Ia program-o Department of Business Management, Guwahati University Assam-ni Dr. Sameer Sarkar-ba dongpae bako ra·angaha.
