USTM-ni Chancellor, Mahbabul Haque-ko da·al pringni somoio uni dongchakram Guwahati Ghoramara-oniko Assam-ni Sribhumi a·jani police dolrang rim·aha. Haque-ko rim·ani ja·pang ja·dilko police dolrang da·o dipet agankujaenga. Koborrangko man·anigitade batanggipa chango Sribhumi a·jao ong·anggipa CBSE class 12 physics porikkao kragija dakahani gimin rim·aha ine u·ina man·aha.
Haque-ko rim·ani bidingo Assam Education Minister Ranoj Pegu, uni social media page-o janapataha jeon USTM-ni kragija dakaniko ua parakataha. Uni u·iatanigitade, USTM dolni chalaienggipa Central Public School, Patharkandi-ni class 12 porikkao chatro chatrirangna Multiple Choice Question (MCQ) ni bako 30 mark-rangko niam gri on·a ku·chakaha ine ua aganangaha.
Goalpara district-oni bang·akon porikkarango kragija namgniko man·a ia biapona watatronga ine ua aganangkuaha. A·paloni ba external invigilator-rang iani bidingo jegalon sosojengjeng ong·anirang nadoaha aro skigiparangkoba kutturio chipkete donaha. Ia kamrangna ta·raken sing·sandina nanga aro name jako ra·na nangchongmota ine Pegu agandapangaha.
