West Garo Hills police dolrangni am·sandianiko dakanio, Bangladesh a·songoni sak 6 manderang baksa uamangna dakchakgipa mande sak 2 ko Bristibar walo Jengjal thanani Police dolrang rim·na man·aha. Police dolrangni u·iatanigitade ia manderangko Assam a·dokona Garo Hills gita rimsrukangna India ni sak 2 manderang uamangko rimangna manchiangahachim ine aganangaha.
Rim·a man·gipa manderangko sing·sandianiko dakon, uamang baksa Gasuapara PS jolni saksa India ni mandeba ia kamo jak donga ine u·iataha jekon Gasuapara PS ni Officer-in-Charge (OC) rim·na man·e Foreigner’s Act o pangchake mokordomako ka·angaha.
India a·songoni ia kamo bak donggipa manderangara Baburbhita Part-II, PO Dhamur Reserve, PS Bhaguan, Dist. Goalpara, Assam ni bilsi 20 ong·gipa Rakibul Islam aro Baburbhita Part-II, PS Bhaguan, Goalpara, Assam ni bilsi 20 ong·gipa Jelhaque Ali ong·a. Unbaksana Bangladesh a·songoni napsrukbagipa manderangara Dadon, PS Pirghasa, PO Kadir Haat, Dist. Rangpur, Bangladesh ni bilsi 33 ong·gipa Ruhul Amin, Tetlabor, PO Rupshi, PS Rupgaunj, Dist. Narayangaunj, Bangladesh ni bilsi 38 ong·gipa Din Islam, Gumrah, PO Rangtia, PS Zinaighati, Dist. Sherpur, Bangladesh ni bilsi 27 ong·gipa Dilwar Hussain, Paragram, PO Ashulia, PS Baipail, Dist. Savar, Bangladesh ni bilsi 35 ong·gipa me·chikma Sarmin Begum, Gumrah, PO Rangtia, PS Zinaighati, Dist. Sherpur, Bangladesh ni bilsi 37 ong·gipa Sultan Mahmud aro Kumroil, PO Bamail, PS Niamatpur, Dist. Naogaon, Rajshahi Division, Bangladesh ni bilsi 33 ong·gipa Robel Kobiras, ong·a.
Ia am·sandianiko dake nirokaniara niam gri aro sima ari jolgita napsrukbaaniko champengna ka·rongbewalgita naka checking ka·anio uamangko rim·na man·angaha jemangkon Foreigner’s Act-o pangchake mokordoma ka·ange chu·gimik am·sandiako dakani ja·mano court ona uamangko watatgen ine police dolrang u·iatangan baksana indakgipa kamrango gipin manderangni bak donganikoba talbate ma·sina am·sandiangna miksonganikoba parakataha.
