Border Area Development (BAD) schemerangko a·bachengate on·taina ma·mong sorkariko a·dok sorkari mol·molangaha ine Sombar salo BAD Minister Rakkam A Sangma parakataha.
Ia ma·mong sorkarini ra·gatgipa scheme ko 90:10 o pangchake tangka paisarangko chamatronga jekon 2021 bilsio adiita neng·nikanirangko man·e dontongataha. Ian sima ari jolo donggipa school, hospital, rama jal·ang aro dollongrangni rika cho·aniko namdapatna dakchakachim ine Minister aganangaha.
Indake ong·genchimoba inter-state o ga·akgipa rama, community hall, school building aro gipin kamrangko da·o dipet ka·angkuenga ine janapataha. Iako aganengon, sima ari jolo donggipa chatro chatrirangna chamatgipa scholarship rangkode on·angkugen ine Sangma aganangaha.
