Meghalaya Civil Service (MCS) 2025 porikkao chubatgipa gadang ba topper man·gipa Chingba Jimbe Ch Marak ko Durabanda songo mande ra·pilaniko on·a program ko ong·atangaha.
Ia program ona Education Minister Rakkam A. Sangma aro Chokpot ni MLA Sengchim N. Sangma mongsonggipa ong·e sokbaaha. Una agreba Chokpot Higher Secondary School ni Principal Junil Marak, adita toromni dilgiparang aro mahari madrangrangba ia tom·anio aro prayer meeting-o kusi ong·bee bakko ra·angtokaha.
Chingba Jimbe Ch Marak ni skanggipa gadangko man·e A·chik jatna mikkim rasongko ra·baanina Education Minister dingtang mancha uni katchaaniko aro namgipa skaniko on·angaha. Mikkangchi indakgipa gadangrangona sokdoaniko niktaina man·a gita A·chik chadamberangko bimchipe poraiangchina Sangma didiangaha.
Tom·anio aganprakengon, Chingba uni UPSC porikkana bilsi 6 na kingking jotton ka·e chu·sokaniko man·jagenchimoba an·tangni miksonganiko gualgija rakbate poraie jotton ka·na didiangaha ine aganangaha. UPSC porikkana indita bilsina tarisamsoanichi MPSC porikkarango neng·rabee pass ka·na dakchakangaha ine Chingbe aganangaha aro batanggipa MCS porikkao ua skanggipa gadangona sokdona nangchongmotaniko gisiko donanian uko chu·sokatgipa ong·ataha ineba parakangaha. Mikkangchi ua dingtang mancha sorkarina kam ka·an baksana songsul noksul rangna ka·sae namgipa kamrangko ka·angna miksonganikoba parakataha. Chingba ni indakgipa gadangona sokdoe
A·chik jat aro Garo Hills ni manderangna mikkim rasongko ra·baanina ia program-o dingtang mancha una cake cutting ceremony koba ong·atangaha. Ia tom·anio GSU, GSMC aro Nokrek Development Committee ni dilgiparangba dongpae uko mande ra·aniko dakangaha.
