Adita salrangna skang Meghalaya Public Service Commission (MPSC) ni kam ka·ani gadangko nambatatna miksonge Meghalaya a·dokni Governor dingtang mancha State Level Committee ko songna rai on·angaha jekon Notification No. PER (AR) 126/2023/Pt/1 dated 21.11.2024 ko ia bilsi MIPR No. 1682 Dt. 22/1/25 o pangchake manderangna u·iataniko on·aha.
Ia notification ba u·iataniko 2025 January 30 tarikni attamchipak social media aro WhatsApp group rango jangangaha. Indake rang·gitik order ko on·anina Garo Hills ni Civil Society Organization aro publicrang an·tangtangni suk ong·gijako parakataha maina MPSC o dingtanganirangko ra·baanio manderangni ku·pattianirangko on·agita 2025 January 30 tarikko bon·kamgipa sal ine tik ka·mangenchimoba ia apsan salon order ko on·angaha.
MPSC ni kam ka·ani bewalo Civil Society Organization aro manderangni ku·pattianirangko nanggenchimode dingtang mancha Reservation Policy ni bidingo kam ka·agita u·iataniko mail ka·e ba Deputy Commissioner Office oni chittiko see sokatna nangachim ine uamang aganangaha.
Civil Society Organization san ong·aigija Garo Hills ni pilak manderang MPSC ni kam ka·ani bewalrangko suk ong·nikjani gisepo Governor ni indakgipa ja·ku ko de·anichi MPSC ko nambatatna chol on·genchimoba darangni ku·pattianiko ra·janian namen dal·bea gimaani ong·a ine janapangaha. A·dokni aro Garo Hills ni manderangni ku·pattianiko on·a cholko on·pachina Governor ni on·gimin ba manchigimin tarikko ra·doatchina Deputy Commissioner na chitti-ko see mol·molangaha.
