Meghalaya Industrial Development Corporation Ltd (MIDC), a·doko industry-rangko tang·dodapatna UNNATI 2024 (Uttar Poorva Transformative Industrialization Scheme) aro Meghalaya Industrial and Investment Promotion Policy (MIIPP) 2024-ni bidingo Laitumkhrah-o uamangni Business Facilitation Centre (BFC) o Awareness Program-ko ong·ataha. Ian Chief Minister-ni a·dokko $10 billion economy-ona ra·dona re·mikkanganina ja·ku ga·ani ong·a.
Program-ona dingtang dingtang industry-rangoni jekai Byrnihat Industrial Area EPIP, Umiam Unit, Garo Hills-ni Industrial Growth Centre aro RiBhoi-ni Bamboo Park-oniba bakko ra·na sokbatokaha. Iasan ong·aigija, a·dokni bang·a entrepreneur-rangba program-ni namnikaniko mesoke bakko ra·angtokaha.
MIDC-ni Chairman, James PK Sangma, tom·anio da·alni program-ni bidingo aganengon, ian industry-rangko tang·doatna MIDC-ni on·kanganiko mesoka aro Meghalaya-ko entrepreneur-rangna namgipa a·dam dakna Chief Minister-ni a·dokni economy-ko ra·dona miksongenggipa baksa re·mikkangani ong·a ine parakangaha. MIDC-ni Managing Director, D.D. Nongmalieh, manderangni bak ra·aniko nike aro namgipa agananirangko man·e, UNNATI and MIIPP-ni a·doko economy-ko dingtangatna bil amaniko aganangaha.
Program-ni bako, National SC-ST Hub-ni Chief Manager, National SC-ST Hub-ni ning·o scheme-rangni bidingo agantalatangaha jean SC/ST ni entrepreneur-rangko dakchaknagita ong·a. Unbaksana, Northeast DPIIT PIU dol, che·eme dokbadale chong·motan UNNATI scheme-ni miksongani aro namgnirangko mongsongbate Northeast a·dokrangna tarigimino pangchake talatangskaaha.
BFC-ni dilgipa aro MIDC-ni Advisor, Kerlang Malngiang, da·alni program-o expert ba u·i ma·sigiparang bading chiwalgiparangna agantalate on·anichi tangka paisanigita aro tang·doani cholrangko on·enggiparangko ra·na uamangko dakchakgen ine aganangaha. Ia program-chi Meghalaya-ni entrepreneur-rangna ma·mongni aro a·doknigitaba mikkangchina namgipa cholrangko ra·bagen ineba ua agandapangaha.
