SGH, Tolegre songoniko re·anggipa bilsio Core Geo dolrangni man·gipa fossil-ko ma·sina man·gijagipa manderang cho·bilenba cha·uangaha. Ia fossil-ni sample-ko Geological Survey of India-ba jontuko talbate ma·sinagita porikka ra·na ra·angaha. Fossil-ko 30-40 million bilsirangni ong·na chanchichipaniba gnang jekon mingsa jontuoni ong·bagipa ine u·iatangaha.
A·damko songni manderangni ning·aon nirokna aro naljokenba napna on·gija donaha, indake ong·genchimoba cha·uaniko ja·manchakesa ma·siaha. District Administra-tionba ia fossil donggipa biapni wilwilao re·napna on·gija simsake donaha. Manderangni agananigitade ia obosta re·anggipa Robibar salo ong·aha ine ma·sina man·aha. Ong·a obostako mokor doma segatangaha aro police-rang sing·sandianiko dakangkuenga.
