Da·al salni ni bako West Garo Hills a·jani Tura, P A Sangma Sports Complex-o 6 gipa Meghalaya Games na Flag off ceremony aro torch relay ko ong·atangaha.
Ia torch relay ona DYSA ni Rtd. Deputy Director Jasper P. Marak mongsonggipa sokgipa ong·e bakko ra·anga. Unbaksana batangimin 5 gipa Meghalaya Games jean Tura songjinmao ong·anggipao West Garo Hills a·jani Shooting o Gold Medal ge·gni man·gipa Crime Branch ni DSP Walsall Momin ba tom·aniona sokbae Jasper Marak baksa torch ko so·e relay ko a·bachengatangaha.
Meghalaya Games ni ia torch ko re·anggipa bilsio Shillong oni Tura ona relay ka·bae 5 gipa Meghalaya Games na ra·baaha. Apsandake ia bilsini 6 gipa Meghalaya Games ko January 20 tarikoni a·bachengatna tarisamsoanio Tura oni Jowai ona torch ko ra·angskaenga.
Ia torch ko Tura oni Nongstoin gita Shillong ona ra·angchenge ia bilsini Meghalaya Games ko sokachakgipa biap Jowai songjinmaona oprakani salo ra·angskagen ine District ni Mission In-charge Sengrak D. Marak aganangaha.
