All Odisha Chess Association (AOCA) aro SOA University Bhubaneswar-ni bakrime ong·atenggipa chang 15-gipa International Grandmaster Chess Festival 2024-2025 o Tura-oni chadambe Ras Lal Upadhaya Meghalaya a·dokni palo bakko ra·e 5-gipa gadangko chebaaha. Ia susaaniko December 15-oni 22 tarikona SOA University-ni gnigipa campus, Bhubaneswar-o ong·atanggen.
Ras Lal Upadhaya, ia susaanio B category Below 1900 (1899 & Below) o bakko ra·aha jeon ua 1500-1599 rating category-o 5-gipa gadangko chena man·aha. Ua ia chang 15-gipa International Grandmaster Chess Festival 2024-2025 o dingtang dingtang namnamgipa chess kal·giparang baksa susagrikna man·e katchaaniko parakataha.
Upadhaya-ni chu·gimik rating 1502 aro point 5½ ong·a. Ua skanggipako chena man·jagenchimoba ia susaanio bakko ra·e skidapani man·aniko janapataha aro mikkangchiba a·doktangna gipin chess susaanirango bakko ra·na kusi ong·aniko Ku·rongdik koborna parakataha.
