Mijal salo Last Mile Connectivity (LMC) project-nigita a·doko songdonggiparangna aro songadam nokadamrangni sorkari office-rango nambate kamrangko ka·na internet-ni ta·rakaniko bariatna miksonge “Fibre to Home Broadband” service-ko Chief Minister Conrad Sangma Tura songjinmao a·bachengate on·angaha. Ia project-ko IT Department, Optical Ground Wire (OPGW) Meghalaya Power Transmission Corporation Ltd. (MePTCL) baksa PowerGrid Teleservices Ltd. apsan nangrime a·bachengataha.
Last Mile Connectivity (LMC) ko Deputy Commissioner office-o kam ka·anichi Tura songjinmao songdongenggipa manderangna Fibre to the Home (FTTH) broadband service-nigita namgniko on·anggen. Internet Service Provider-o kam ka·giparang broadband-ni bosturangko PowerTel-oniko songjinmana chu·ongagita sokatna jotton ka·anggen ine u·iataha.
Bang·bata Optical Fibre Cable (OFC) network- rangan MePTCL’s OPGW network baksa apsan ong·ani gimin broadband service-nigita Tura songjinmao songdongenggiparangna internet-ni ta·rakaniko bariate sokatna ka·dongsoani ong·a.
