South West Garo Hills a·jao SCSTE Department-ni dakchakachi ong·anggipa Open Inter-School District Chess Championship mijal salo St. Mary’s School-o closing ceremony-ko dakangenba matchotataha. Ia susaaniona Dr. Sengkam Marak mongsonggipa ong·e sokbae school bi·sarangna didiani aro ku·pattiani kattarangchi aganangaha. Tournament-ona a·jani bang·a chatro chatrirang sokbae susaangtokaha jeon chadamberang chegipa ong·na gisiko nange kal·aniko nikangna man·aha.
Kal·aniko dingtang dingtang gadang ba category-rango kal·atangaha. Uandake, open category-o skanggipako St. Claret Hr. Sec. School-ni Chongkimbea M. Sangma, gnigipako Bidasagar D. Sangma, Bandalkona Sec. School aro gittamgipako Yankee Cheah Ch. Marak, Boldamgre Sec. School-ni man·angaha.
Under-9 category-o skanggipako Sengdo M. Sangma, St. Claret Sec. School-ni, gnigipako Nirupama Memorial Sec. School-ni Breanlerry R. Sangma aro gittamgipako Thameliam M. Sangma, St. Claret Sec. School-ni cheangaha.
Under-12 category-o Arish R. Marak, Nirupama Memorial Sec. School-ni skanggipako man·aha, gnigipako St. Dominic Savio School-ni Flora R. Marak aro gittamgipako Dianchi Ch. Marak, Suntown English School-ni man·angaha.
