SWGH, Zikzak C&RD Block-ni ning·o Boldamgre Government U.P School-o December 12-14 ona ong·atgipa Meghalaya Bharat Scouts and Guides-ni Annual-Get-Together program da·al salo name matchotangaha. Uamangni tom·aniko “Our Thriving Future” ine katta bichongko done ong·ataha.
Ia program-o sak 135 mang dingtang gadangni manderang chong·motan sak 35 scout, sak 70 guide, sak 10 Rover, sak 12 Ranger aro sak 8 staff-rang bak ra·angtokaha. Tom·aniko Scouts and Guides-ni District Secretary Pular D. Shira aro South West Garo Hills-ni District Organising Commissioner Debarson A. Sangma-ni dilanichi name chu·sokataha.
Tom·ani gnigipa salo Mahendraganj constituency-ni MLA Sanjay A. Sangma mongsonggipa ong·e sokbaaha. Ua dingtang mancha scout & guide-rangni a·songni namgnina kam ka·anina mittelangaha.
Ia programme-o saksa sakgipin baksa susagrikani, jatni daka rikaniko demittelani aro mandeni changa sapaniko dakna chol on·angaha jekai sam·dik me·dik gri song·a chanani, quiz competition, git ring·susaani chroksusaani, noksa salsusaani aro painting competition-ko ong·atangaha. Chegiparangna mongsonggipa sokgipa Sanjay A. Sangma-ni jakchi boksisrangkoba on·angaha.
